«Барселона» дарвозабони Марк-Андре тер Штеген «Жирона»га ўтишга тобора яқинлашмоқда. Бу ҳақда Sport.es нашри хабар бермоқда.
Манба маълумотларига кўра, Каталония клуби немис дарвозабонини қўлга киритиш учун барча имкониятларни ишга солмоқда ва битим муваффақиятли якунланишига ишонч билдирмоқда. «Жирона» икки клуб ўртасидаги яхши муносабатлар келишувни тез орада тугатишга ёрдам беришини кутмоқда.
Шунингдек, аввалроқ ОАВда тер Штегенга «Астон Вилла» томонидан ҳам қизиқиш борлиги ҳақида хабарлар тарқалган эди. Манбаларга кўра, германиялик голкипер бошқа жамоага ўтишга қизиқмоқда, чунки у келажакда бўладиган жаҳон чемпионати олдидан ўйин амалиётига эга бўлиш ва Германия терма жамоасидаги ўрнини мустаҳкамлашни истамоқда.













