"Barselona" qishki transferlar vaqtida yangi markaziy himoyachini o‘z safiga qo‘shib olishga umid qilmoqda. Gap "Inter" klubidan Stefan de Vrey, "Milan" sharafini himoya qilayotgan Koni de Vinter va "Napoli"dan Xuan Jezus haqida ketmoqda, deb xabar beradi Mundo Deportivo.
"Barselona" himoyachisi Andreas Kristensenning xochsimon bog‘lamining yorilishi tufayli uzoq vaqt maydonga tushmagani, shuningdek, Arauxo atrofidagi noaniqlik "ko‘k-anorranglilar" bosh murabbiyi Xans-Diter Flikning markaziy himoyachi pozisiyasida variantlari yo‘qligini anglatadi.
Ammo "Barselona" yanvar oyida futbolchilardan birortasini qo‘lga kiritishi qiyin bo‘ladi, chunki aksariyat klublar mavsum o‘rtasida asosiy futbolchilarini faqat yuqori narxda sotishga va sotib olishga tayyor, bunday sharoitda kataloniyaliklarning bunga qurbi yetmaydi.
