"Yuventus" bosh murabbiyi Luchano Spalletti Milanning "Inter" klubi yarim himoyachisi Davide Frattezini o‘z safiga qo‘shib olish g‘oyasini ilgari surmoqda.

26 yoshli futbolchi doimiy o‘yin amaliyotiga ega bo‘lmagani uchun qishki transfer oynasida ketish haqida jiddiy o‘ylamoqda, Turinga ko‘chib o‘tish varianti esa, ko‘plab mish-mishlarga ko‘ra, xavbek uchun juda qiziq. Jurnalist Matteo Morettoning yangilangan ma’lumotiga ko‘ra, "keksa sinyora"ning bosh murabbiyi Luchano Spalletti "Yuventus" rahbariyati bilan yanvar oyidagi transfer rejalarini muhokama qilib, Frattezini taklif qilishni faol ravishda talab qilmoqda. Eng ehtimoliy ssenariylardan biri - sotib olish majburiyati bilan qimmat ijara.

Davide Frattesining Transfermarkt saytidagi narxi - 28 mln yevro. Futbolchi joriy mavsum "Inter" safida 15 ta o‘yinda maydonga tushdi va 2 ta golli uzatmani amalga oshirdi.