«Barselona» «Yuventus» hujumchisi Dushan Vlaxovichga qiziqish bildirmoqda. Marca nashri xabar berishicha, kataloniyaliklar amaldagi jamoasi bilan shartnomasi 2026 yil iyun oyida tugaydigan serbiyalik futbolchini qo‘lga kiritish uchun allaqachon harakatlarni boshlagan.

Manba ma’lumotlariga ko‘ra, «Barselona»ning asosiy maqsadi futbolchini bepul safiga qo‘shib olish yoki qishki transfer oynasida juda foydali shartlar asosida kelishuvga erishishdan iborat (ya’ni hozir kichik summa to‘lash yoki yozda bepul olish).

Shuningdek, «Barselona» bir muddatdan buyon hujumchi Robert Levandovskiga ehtimoliy o‘rinbosar qidirib kelayotgani aytilmoqda. Polshaning futbolchining kelajagi noaniq bo‘lib qolmoqda va uning ketishi jamoada bo‘shliqni yuzaga keltiradi. Klub rahbariyati esa ushbu bo‘shliqni eng yuqori saviyadagi futbolchi bilan to‘ldirishni istamoqda.