«Betis» klubi va Ispaniya terma jamoasi yarim himoyachisi Isko o‘ng to‘piq sohasida artroskopik operasiyani boshdan kechirdi. Bu haqda «yashil-oqlar»ning rasmiy sayti xabar berdi.

Qayd etilishicha, jamoa sardoriga dastlab konservativ davolash usuli belgilangan, ammo «Betis» tibbiy shtabi davolash jarayonini tezlashtirish maqsadida zararlangan sohada bo‘g‘imni sanasiya qilishga qaror qilgan. Futbolchining maydonga qachon qaytishi haqida aniq ma’lumot berilmagan. Biroq avvalroq OAVda Isko yangi yil boshida bo‘ladigan uchrashuvlarda jamoaga yordam bera olmasligi, chunki u taxminan bir oyni o‘tkazib yuborishi haqida xabarlar chiqqan edi.

Eslatib o‘tamiz, 33 yoshli xavbek bir oy avval Yevropa Ligasida «Utrext»ga qarshi o‘yinda (2:1) jamoadoshi, marokashlik Sofyan Amrabat bilan to‘qnashuvdan so‘ng to‘piq sohasida shikastlangan edi. Joriy mavsumda Isko barcha musobaqalar doirasida atigi ikki o‘yinda ishtirok etib, bir golli uzatma amalga oshirgan. U jami 39 daqiqa maydonda harakat qildi.