"PSJ" darvozaboni Matvey Safonov jarohati tufayli 5-6 hafta maydonga tusha olmasligi mumkin, deya xabar bermoqda L’Equipe.
Avvalroq, rossiyalik darvozabonning tiklanish muddati 3-4 hafta bo‘lishi xabar qilingandi.
17 dekabr kuni qit’alararo kubok finalida "Flamengo"ga qarshi o‘yinda (1:1; penalti - 2:1) 26 yoshli Safonov o‘yindan keyingi seriyada to‘rtta penaltini qaytardi. O‘yindan keyin uning qo‘li singanligi ma’lum bo‘ldi.
Safonov 2024 yilning yozidan beri "PSJ" sharafini himoya qilmoqda. 2025/26 yilgi mavsumda u barcha turnirlarda 4 ta o‘yinda maydonga tushib, uchta gol o‘tkazib yubordi va ikki marta darvozasi daxlsizligini saqlab qoldi.
