"ПСЖ" дарвозабони Матвей Сафонов жароҳати туфайли 5-6 ҳафта майдонга туша олмаслиги мумкин, дея хабар бермоқда L’Equipe.
Аввалроқ, россиялик дарвозабоннинг тикланиш муддати 3-4 ҳафта бўлиши хабар қилинганди.
17 декабрь куни қитъалараро кубок финалида "Фламенго"га қарши ўйинда (1:1; пенальти - 2:1) 26 ёшли Сафонов ўйиндан кейинги серияда тўртта пенальтини қайтарди. Ўйиндан кейин унинг қўли синганлиги маълум бўлди.
Сафонов 2024 йилнинг ёзидан бери "ПСЖ" шарафини ҳимоя қилмоқда. 2025/26 йилги мавсумда у барча турнирларда 4 та ўйинда майдонга тушиб, учта гол ўтказиб юборди ва икки марта дарвозаси дахлсизлигини сақлаб қолди.
