Belgiyaning "Genk" klubi hujumkor yarim himoyachisi Konstantinos Karesas Fransiyaning "PSJ" klubi futbolchisiga aylanishi mumkin. Bu haqda jurnalist Ekrem Konur xabar bermoqda.

Manbaga ko‘ra, "PSJ" 18 yoshli gresiyalik xavbek transferi bo‘yicha "Genk"ga birinchi taklifni berishga tayyorlanmoqda. Shuningdek, futbolchini "Bavariya", "Napoli", "Manchester Yunayted", "Arsenal" va "Chelsi" klublari ham diqqat bilan kuzatmoqda.

Karesas joriy mavsumda barcha musobaqalarni qo‘shib hisoblaganda 27 ta uchrashuvda qatnashib, 2 ta gol urdi va 10 ta golli uzatmani amalga oshirdi.

Transfermarkt portali ma’lumotiga ko‘ra, yarim himoyachining narxi 28 million yevroni tashkil etadi.