Бельгиянинг "Генк" клуби ҳужумкор ярим ҳимоячиси Константинос Карецас Франциянинг "ПСЖ" клуби футболчисига айланиши мумкин. Бу ҳақда журналист Экрем Конур хабар бермоқда.
Манбага кўра, "ПСЖ" 18 ёшли грециялик хавбек трансфери бўйича "Генк"га биринчи таклифни беришга тайёрланмоқда. Шунингдек, футболчини "Бавария", "Наполи", "Манчестер Юнайтед", "Арсенал" ва "Челси" клублари ҳам диққат билан кузатмоқда.
Карецас жорий мавсумда барча мусобақаларни қўшиб ҳисоблаганда 27 та учрашувда қатнашиб, 2 та гол урди ва 10 та голли узатмани амалга оширди.
Transfermarkt портали маълумотига кўра, ярим ҳимоячининг нархи 28 миллион еврони ташкил этади.
