"Aston Villa" hujumkor yarim himoyachisi Morgan Rojers "Chelsi"ning ustuvor transfer maqsadlari ro‘yxatidan o‘rin olgan. Agar "hech qanday jiddiy narsa" ro‘y bermasa, Birmingem klubi 23 yoshli xavbekni sotishga majbur bo‘ladi. Bu haqda Caught Offside xabar bermoqda.
Manbaga ko‘ra, Rojersning London jamoasiga o‘tishiga "Aston Villa"ning Chempionlar ligasiga chiqishi to‘sqinlik qilishi mumkin. Bu klubning iqtisodiy pozisiyasini kuchaytiradi va angliyalik futbolchini yana bir muddat Unai Emeri jamoasida qolishga ko‘ndirishi mumkin.
Joriy mavsum Rojers barcha musobaqalarda 24ta o‘yinda maydonga tushib, 7ta gol va 5ta assistni o‘z hisobiga yozdirib qo‘ydi. Futbolchining klub bilan amaldagi mehnat shartnomasi 2031 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 70 mln yevroni tashkil etadi.
