"Астон Вилла" ҳужумкор ярим ҳимоячиси Морган Рожерс "Челси"нинг устувор трансфер мақсадлари рўйхатидан ўрин олган. Агар "ҳеч қандай жиддий нарса" рўй бермаса, Бирмингем клуби 23 ёшли хавбекни сотишга мажбур бўлади. Бу ҳақда Caught Offside хабар бермоқда.
Манбага кўра, Рожерснинг Лондон жамоасига ўтишига "Астон Вилла"нинг Чемпионлар лигасига чиқиши тўсқинлик қилиши мумкин. Бу клубнинг иқтисодий позициясини кучайтиради ва англиялик футболчини яна бир муддат Унаи Эмери жамоасида қолишга кўндириши мумкин.
Жорий мавсум Рожерс барча мусобақаларда 24та ўйинда майдонга тушиб, 7та гол ва 5та ассистни ўз ҳисобига ёздириб қўйди. Футболчининг клуб билан амалдаги меҳнат шартномаси 2031 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 70 млн еврони ташкил этади.
