"Brayton" boshqaruvi raisi Pol Barberning aytishicha, klub Karlos Balebani sotishni rejalashtirmayapti.

Kamerun terma jamoasining 22 yoshli yarim himoyachisi "MYU"ning asosiy transfer maqsadlaridan biri hisoblanadi.

"Old Trafford" va "Manchester Yunayted"ga aloqador hech kimdan qo‘ng‘iroq bo‘lmadi.

Karlosni bu transfer oynasida yoki kelajakda sotish rejamiz yoki xohishimiz yo‘q.

Uning iqtidorli o‘yinchi ekanligini bilamiz va kelajakda ko‘plab variantlarga ega. Ammo hozir u mavsumning ikkinchi yarmida biz uchun muhim o‘yinchi va biz uning Afrika Kubogidan qaytishini intiqlik bilan kutmoqdamiz," - dedi Barber.

talkSPORT xabariga ko‘ra, "chaykalar" kamerunlik futbolchini sotishga qaror qilganida, "Chelsi" Moyses Kaysedo uchun to‘lagan 115 million funtdan ko‘proq mablag‘ni Baleba uchun olishni kutmoqda.