"Bavariya" hujumkor yarim himoyachisi Lennart Karl Madridning "Real" klubi safida to‘p tepishni orzu qilayotganini tan oldi.
17 yoshli futbolchi yaqinda bergan intervyusida shunday bayonot berdi, ammo bu Myunxen grandi muxlislarini unchalik xursand qilmadi, albatta. Mashhur insayder Fabrisio Romanoning so‘zlariga ko‘ra, Karlning yoshligini hisobga olgan holda, uning bayonotiga jiddiy yondashmaslik kerak. Futbolchi o‘z his-tuyg‘ulari bilan rostgo‘ylik bilan o‘rtoqlashdi, ammo yaqin kelajakda "Bavariya"ni tark etish niyatida emas. Germaniyalik yulduzning "Real"ga o‘tishi haqidagi gaplar hozircha ma’noga ega emas.
Avgust oyida Lennart Karl "Bavariya" bilan 2028 yilgacha mo‘ljallangan yangi shartnoma imzoladi. Transfermarkt ekspertlari vunderkindning narxini 60 mln yevroga baholamoqda.













