"Seltik" murabbiysiz qoldi - Vilfrid Nansi Shotlandiya klubini tark etdi. Fransiyalik mutaxassis iste’foga chiqarildi, deya xabar bermoqda "Seltik" matbuot xizmati.
Nansi dekabr oyi boshida "keltlar"ni qabul qilib olgandi. Uning qo‘l ostida jamoa sakkizta o‘yinda oltita mag‘lubiyatga uchradi, shu jumladan prinsipial raqib - "Glazgo Reynjers"ga ham. Shu munosabat bilan "Seltik" rahbariyati mutaxassis bilan xayrlashishga qaror qildi.
"Klub Vilfridga sa’y-harakatlari uchun minnatdorchilik bildiradi va unga hamda uning oilasiga kelajakda eng yaxshi tilaklarni bildiradi," - deyiladi klub rasmiy bayonotida.
Ortda qolgan 20 turdan so‘ng "Seltik" 38 ochko bilan Shotlandiya chempionati turnir jadvalida ikkinchi o‘rinda bormoqda.
