"Селтик" мураббийсиз қолди - Вильфрид Нанси Шотландия клубини тарк этди. Франциялик мутахассис истеъфога чиқарилди, дея хабар бермоқда "Селтик" матбуот хизмати.
Нанси декабрь ойи бошида "келтлар"ни қабул қилиб олганди. Унинг қўл остида жамоа саккизта ўйинда олтита мағлубиятга учради, шу жумладан принципиал рақиб - "Глазго Рейнжерс"га ҳам. Шу муносабат билан "Селтик" раҳбарияти мутахассис билан хайрлашишга қарор қилди.
"Клуб Вильфридга саъй-ҳаракатлари учун миннатдорчилик билдиради ва унга ҳамда унинг оиласига келажакда энг яхши тилакларни билдиради," - дейилади клуб расмий баёнотида.
Ортда қолган 20 турдан сўнг "Селтик" 38 очко билан Шотландия чемпионати турнир жадвалида иккинчи ўринда бормоқда.
