Ruben Amorimning iste’fosi "Manchester Yunayted"ga qimmatga tushadi.
talkSPORT xabariga ko‘ra, klub portugaliyalik mutaxassisga 10 million funtdan ortiq tovon puli to‘lashi kerak bo‘ladi. 2024 yilning noyabr oyida jamoani qabul qilib olgan Amorimning maoshi yiliga 6,7 million funtni tashkil etgan. Murabbiy "Yunayted"dagi faoliyati davomida taxminan 7,8 million funt ishlab topgan.
Shartnoma shartlariga ko‘ra, kelishuv bekor qilinganidan keyin klub Amorimga qolgan pulni - 10,05 mln funtni to‘lashi kerak.
Bundan tashqari, u tayinlanganida "Manchester Yunayted" "Sporting"ga 9,5 mln funt tovon puli o‘tkazgan. Shunday qilib, klubning Amorim uchun umumiy xarajatlari taxminan 27,35 million funtni tashkil qiladi.













