Markus Reshford "Manchester Yunayted"da ikkinchi imkoniyatni qo‘lga kiritishi mumkin.
Mirror xabariga ko‘ra, Ruben Amorimning "qizil iblislar" bosh murabbiyligidan iste’foga chiqarilishi Reshfordga "Old Trafford"ga qaytish yo‘lini ochib berishi mumkin. Agar "Barselona" ijarada o‘ynayotgan hujumchining shartnomasini taxminan 30 million yevroga sotib olmaslikka qaror qilsa, "MYU"ning yangi ustozi Reshfordni sotishni emas, balki tarkibda saqlab qolishni istaydi.
Reshford "Manchester Yunayted" tarbiyalanuvchisi hisoblanadi. Uning "MYU" bilan shartnomasi 2028 yilning 30 iyuniga qadar imzolangan. Hujumchi 2025 yilning yozidan buyon "Barselona"da ijara asosida to‘p tepib kelmoqda. Joriy mavsumda angliyalik futbolchi "ko‘k-anorranglilar" safida 25 ta o‘yinda maydonga tushib, 7 ta gol urdi va 11 ta golli uzatmani amalga oshirdi.













