"Manchester Yunayted" sobiq bosh murabbiyi Joze Mourinyo Ruben Amorimning iste’fosi haqidagi savolga javob qaytardi. Mankunianlar 5 yanvar, dushanba kuni Amorim bilan hamkorlikni to‘xtatganini e’lon qildi.
- Ruben Amorim ishdan bo‘shatildi. U boshidan kechirgan vaziyatni tushunasizmi?
- Har bir murabbiy o‘zi uchun o‘zi javob beradi. "Manchester Yunayted"dagi faoliyatimni yaxshi bilaman. Albatta, ketishim sababini ham bilaman. Ammo klubdan ketayotganimda, eshikni yopaman, nima bo‘lganini izohlamayman, chetdan turib tahlil qilmayman.
Bir eshikni yopaman, keyin ikkinchisi ochiladi. "Manchester Yunayted"dan ketganimda shunday bo‘lgandi. Tarix o‘sha yerda qoldi, raqamlar o‘sha yerda qoldi, men qo‘lga kiritgan uchta [APL] medali uyimda qoldi, xolos.
Shu bir yarim yil, taxminan 14 oy ichida Ruben bilan sodir bo‘lgan holatni faqat Rubenning o‘zi tahlil qila oladi. Bilmadim, u vaziyatga o‘z nuqtai nazarini e’lon qiladimi yoki yo‘qmi," - deya Mourinyoning so‘zlarini keltiradi A Bola.
