"Manchester Yunayted"ning vaqtinchalik boshqaruvchisi Darren Fletcher klubdagi kelajagi haqidagi savolga javob berdi.
Shotlandiyalik futbolchi hafta boshida iste’foga chiqarilgan Ruben Amorim o‘rnini egalladi. "Qizil iblislar"ning taniqli sobiq yarim himoyachisi hech bo‘lmaganda mavsum oxirigacha asosiy jamoa bilan ishlashda davom etadimi yoki yo‘qmi, hozircha noma’lum.
"To‘g‘risini aytsam, bu haqda o‘ylamayapman. Hozir faqat joriy vazifalar va menga topshirilgan ishlar haqida o‘ylayapman. Butun kuchim shunga yo‘naltirilgan. Oldinda "Brayton" bilan yakshanba kungi o‘yin bor, tiklanishimiz va eng yaxshi tarzda tayyorgarlik ko‘rishimiz kerak. Keyin nima bo‘lishini bilmayman, bu menga bog‘liq emas", - dedi Fletcher "Byornli"ga (2:2) qarshi o‘yindan keyin bergan intervyusida.
Ma’lumotlarga qaraganda, tez orada "MYU"ni Ule Gunnar Sulsher boshqarishi mumkin.
