"Манчестер Юнайтед"нинг вақтинчалик бошқарувчиси Даррен Флетчер клубдаги келажаги ҳақидаги саволга жавоб берди.
Шотландиялик футболчи ҳафта бошида истеъфога чиқарилган Рубен Аморим ўрнини эгаллади. "Қизил иблислар"нинг таниқли собиқ ярим ҳимоячиси ҳеч бўлмаганда мавсум охиригача асосий жамоа билан ишлашда давом этадими ёки йўқми, ҳозирча номаълум.
"Тўғрисини айтсам, бу ҳақда ўйламаяпман. Ҳозир фақат жорий вазифалар ва менга топширилган ишлар ҳақида ўйлаяпман. Бутун кучим шунга йўналтирилган. Олдинда "Брайтон" билан якшанба кунги ўйин бор, тикланишимиз ва энг яхши тарзда тайёргарлик кўришимиз керак. Кейин нима бўлишини билмайман, бу менга боғлиқ эмас", - деди Флетчер "Бёрнли"га (2:2) қарши ўйиндан кейин берган интервьюсида.
Маълумотларга қараганда, тез орада "МЮ"ни Уле Гуннар Сульшер бошқариши мумкин.
