"Vilyarreal"ning 36 yoshli markaziy yarim himoyachisi Daniel Parexo joriy mavsum yakunlangach, futbolchilik faoliyatini yakunlashga qaror qildi. Bu haqda jurnalist Xavi Martines Felipe xabar bermoqda.

Manbaga ko‘ra, Parexo uchun keyingi qadam murabbiylikka o‘qish bo‘ladi. Mish-mishlarga ishonadigan bo‘lsak, u allaqachon ish bo‘yicha bir nechta variantlariga ega.

Parexo "Real Madrid" tarbiyalanuvchisi hisoblanadi. U "Vilyarreal" safida 2020 yildan buyon to‘p tepib kelmoqda. Joriy mavsumda xavbek barcha musobaqalarni inobatga olgan holda 21 ta o‘yinda maydonga tushdi va o‘z hisobiga bitta assist yozdirib qo‘ydi.

Parexoning "Vilyarreal" bilan amaldagi shartnomasi kelasi yozda o‘z nihoyasiga yetadi.