"Вильярреал"нинг 36 ёшли марказий ярим ҳимоячиси Даниэль Парехо жорий мавсум якунлангач, футболчилик фаолиятини якунлашга қарор қилди. Бу ҳақда журналист Хави Мартинес Фелипе хабар бермоқда.
Манбага кўра, Парехо учун кейинги қадам мураббийликка ўқиш бўлади. Миш-мишларга ишонадиган бўлсак, у аллақачон иш бўйича бир нечта вариантларига эга.
Парехо "Реал Мадрид" тарбияланувчиси ҳисобланади. У "Вильярреал" сафида 2020 йилдан буён тўп тепиб келмоқда. Жорий мавсумда хавбек барча мусобақаларни инобатга олган ҳолда 21 та ўйинда майдонга тушди ва ўз ҳисобига битта ассист ёздириб қўйди.
Парехонинг "Вильярреал" билан амалдаги шартномаси келаси ёзда ўз ниҳоясига етади.
