"Real" himoyachisi Daniel Karvaxal madridliklar bilan shartnomani uzaytirish haqidagi savolga javob berdi.

"Shartnomani uzaytirish? Jiddiy jarohat oldim, jarrohlik amaliyotini boshdan kechirdim va endi o‘yindan zavq olmoqchiman. O‘ylaymanki, klub uchun hali ham muhim deb hisoblagan narsam bor: men o‘ynashim va qo‘limdan keladigan darajani ko‘rsatishim kerak. Agar hammasi yaxshi bo‘lsa, men va klub bunga intilsak, shartnomani uzaytirishda muammo bo‘lmaydi," - dedi Karvaxal matbuot anjumanida.

Daniel Karvaxal "Real" tarbiyalanuvchisi hisoblanadi. Joriy mavsumda u barcha musobaqalarda 8ta o‘yinda maydonga tushib, samarali harakat qilmadi. Hozirda himoyachi oktyabr oyi oxirida tizzasidan olgan jarohatidan tiklanmoqda.