"Barselona" prezidenti Joan Laporta klub "Real"dan kuzdagi "el-klasiko"dagi mag‘lubiyat uchun o‘ch olmoqchimi, degan savolga javob berdi.
O‘shanda "ko‘k-anorranglilar" Ispaniya chempionati doirasida Madridda 1:2 hisobida mag‘lub bo‘lgandi. Endi jamoalar Saudiya Arabistonida - Superkubok finalida to‘qnash kelishadi.
"Revansh? Maksimal raqobatga qaramay, faqat g‘alabaga e’tibor qaratilgan. Ammo bizda yaxshi o‘yin ko‘rsatish, ushbu sovrinni qo‘lga kiritish va muxlislarni xursand qilish istagi juda katta. Umid qilamizki, ertaga g‘alaba qozonamiz va buni quvonch va zavq bilan nishonlaymiz," - deya Laportaning so‘zlarini keltiradi El Espanol.
