"Барселона" президенти Жоан Лапорта клуб "Реал"дан куздаги "эл-класико"даги мағлубият учун ўч олмоқчими, деган саволга жавоб берди.
Ўшанда "кўк-анорранглилар" Испания чемпионати доирасида Мадридда 1:2 ҳисобида мағлуб бўлганди. Энди жамоалар Саудия Арабистонида - Суперкубок финалида тўқнаш келишади.
"Реванш? Максимал рақобатга қарамай, фақат ғалабага эътибор қаратилган. Аммо бизда яхши ўйин кўрсатиш, ушбу совринни қўлга киритиш ва мухлисларни хурсанд қилиш истаги жуда катта. Умид қиламизки, эртага ғалаба қозонамиз ва буни қувонч ва завқ билан нишонлаймиз," - дея Лапортанинг сўзларини келтиради El Espanol.
