"Atletiko" hujumchisi Xulian Alvares Angliya Premyer-ligasiga qaytishi mumkin.

Footysm xabariga ko‘ra, argentinalik futbolchining xizmatlariga "Manchester Yunayted" qiziqish bildirmoqda. "Qizil iblislar" hujumchini asosiy transfer maqsadi sifatida belgilagan. "MYU" rahbariyati qanday qilib bo‘lmasin Alvaresni klubga o‘tishga ko‘ndirishga harakat qilmoqchi.

Xulian Alvares 2024 yilning yozida "Manchester Siti"dan 75 million yevro evaziga "Atletiko"ga o‘tgandi. Uning madridliklar bilan shartnomasi 2030 yilning 30 iyuniga qadar imzolangan. Joriy mavsumda argentinalik futbolchi "matraschilar" safida barcha musobaqalarda 25 ta o‘yinda maydonga tushib, 11 ta gol urdi va beshta golli uzatmani amalga oshirdi. Transfermarkt portali forvardni 100 million yevroga baholamoqda.