The Independent xabariga ko‘ra, "Manchester Siti" yanvar oyida "Kristal Pelas" himoyachisi Mark Gexi sotib olmoqchi. Tomonlar muzokaralarni boshladilar.
25 yoshli futbolchining amaldagi shartnomasi 2026 yilning yozigacha mo‘ljallangan, ammo "Siti" Gexi uchun erkin agentlar bozorida boshqa klublar bilan kurashmaslik uchun uni hozir olmoqchi.
Qayd etilishicha, "Kristal Pelas" himoyachini kamida 35 mln funtga baholamoqda, Gexining o‘zi esa "Liverpul" yoki "Arsenal"ga o‘tishni afzal ko‘radi.
"Har ikki klubda nimalar bo‘layotganini biladigan bir kishi Gexi yozgacha "Pelas"da qolishni istayotgani va "Liverpul"ga o‘tishni "Siti"dan afzal ko‘rayotganini aytdi.
Yana bir manba quyidagilarni ma’lum qildi: "Ha, u yozgacha qolmoqchi va "Liverpul" yoki "Arsenal"ga o‘tishni istamoqda. "Arsenal" haqida eshitmagan ekanman, deb o‘yladim, ammo bu taxminan menga oldinroq aytilgan gaplarga to‘g‘ri keladi", - dedi The Athletic jurnalisti.
