"Manchester Yunayted" joriy mavsumda APLdan boshqa barcha turnirlarni tark etdi.
Mankunianliklar kecha Angliya kubogining ilk raundidayoq "Brayton"ga (1:2) hisobida mag‘lub bo‘lib, musobaqani tark etishdi. Avgust oyida jamoa Liga kubogidagi birinchi o‘yindayoq "Grimsbi"ga penaltilar seriyasida yutqazib, turnirni tark etgan edi.
"MYU" yevrokuboklarda ishtirok etmayotgani bois, joriy mavsum yakuniga qadar endi faqat chempionat o‘yinlarida ishtirok etadi.
"Yunayted" oxirgi marta 1914/15 yilgi mavsumda 40 tadan kam o‘yin o‘tkazgandi. O‘shanda jamoa atigi 39 ta uchrashuvda ishtirok etgan edi.













