Saudiya Arabistoni Pro ligasi 15-turida "Al-Hilol" o‘z maydonida "An-Nasr"ni qabul qildi va 3:1 hisobida g‘alaba qozondi.
42-daqiqada Krishtianu Ronaldu Kingsli Komanning golidan so‘ng o‘yinda hisobni ochidi.
57-daqiqada Salem Al-Davsariy penaltidan hisobni tenglashtirdi. Gol bo‘lgan vaziyatdan so‘ng "Nasr" darvozaboni Navaf "Hilol" yarim himoyachisi Ruben Nevesh bilan to‘pni talashgan vaziyatda portugaliyalikning yuziga zarba bergani uchun maydondan chetlatildi.
Bir kishi ko‘p bo‘lib qolgan mezbonlar 81-daqiqada hisobda oldinga chiqib oldi. Muhammad Kanno Ruben Neveshning qanotdan uzatmasini darvozaga to‘g‘irlab qo‘ydi.
O‘yinga qo‘shib berilgan 9 daqiqaning boshida yana "Nasr" darvozasiga penalti belgilandi. Undan Ruben Nevesh unumli foydalanib, yakuniy hisobni o‘rnatdi - 3:1.
"Al-Hilol" 38 ochko bilan 2-o‘rindagi "An-Nasr"dan 7 ochkoga o‘zib ketdi.
"Nasr" chempionatda ketma-ket 3-bor mag‘lub bo‘ldi.
SPL. 15-tur
12 yanvar, 22:30. Kingdom Arena (Riyod)
Al-Hilol - An-Nasr - 3:1
Gollar: 42' 0:1 - K. Ronaldu (K. Koman), 57' 1:1 - S. Al-Davsariy (penaltidan), 81' 2:1 - M. Kanno (R. Nevesh), 90+2' 3:1 - R. Nevesh (penaltidan)
Qizil kartochka: 60 - Navaf Al-Aqidi (An-Nasr)
Al-Hilol: Al-Rubayi, Al-Tambakti, R. Nevesh, Al-Harbi, Al-YAmi, S. Milinkovich-Savich, N. Al-Davsariy, T. Ernandes, Malkom, D. Nunyes, S. Al-Davsariy.
An-Nasr: N. Al-Aqidi, Yahyo, I. Martines, Simakan, Bushal, Angelo, Brozovich, Al-Haybariy, Koman, J. Feliks, K. Ronaldu
