«Barselona»ning sport direktori Deku Alvaro Arbeloaning «Real» bosh murabbiyi lavozimiga tayinlanishiga izoh berdi. U ushbu lavozimda Xabi Alonsoning o‘rnina egalladi.

«U yaxshi murabbiymi yoki yo‘q — bilmayman», — deya Dekuning so‘zlarini keltiradi Marca.

Arbeloa rahbarligida «Kastilya» joriy mavsumda 19 ta o‘yin o‘tkazib, 10 ta g‘alaba qayd etdi, 8 ta mag‘lubiyatga uchradi va 1 ta uchrashuv durang bilan yakunlandi. Alvaro Arbeloa 2025 yil iyun oyidan beri «Kastilya»ni boshqarib kelgan bo‘lib, 2020 yildan buyon butun murabbiylik faoliyatini «Real»ning yoshlar akademiyasida o‘tkazgan.

Ispaniya chempionatida «Real» turnir jadvalida ikkinchi o‘rinni egallab turibdi. Madridliklar 19 ta o‘yindan keyin 45 ochko jamg‘argan. Chempionlar ligasida esa jamoa umumiy jadvalda 12 ochko bilan yettinchi pog‘onada joylashgan.