«Барселона»нинг спорт директори Деку Альваро Арбелоанинг «Реал» бош мураббийи лавозимига тайинланишига изоҳ берди. У ушбу лавозимда Хаби Алонсонинг ўрнина эгаллади.

«У яхши мураббийми ёки йўқ — билмайман», — дея Декунинг сўзларини келтиради Marca.

Арбелоа раҳбарлигида «Кастилья» жорий мавсумда 19 та ўйин ўтказиб, 10 та ғалаба қайд этди, 8 та мағлубиятга учради ва 1 та учрашув дуранг билан якунланди. Альваро Арбелоа 2025 йил июнь ойидан бери «Кастилья»ни бошқариб келган бўлиб, 2020 йилдан буён бутун мураббийлик фаолиятини «Реал»нинг ёшлар академиясида ўтказган.

Испания чемпионатида «Реал» турнир жадвалида иккинчи ўринни эгаллаб турибди. Мадридликлар 19 та ўйиндан кейин 45 очко жамғарган. Чемпионлар лигасида эса жамоа умумий жадвалда 12 очко билан еттинчи поғонада жойлашган.