«Барселона» бош мураббийи Ханс-Дитер Флик захирадаги футболчиларга кўпроқ имконият беришга тайёр.

Barca Universal хабарига кўра, немис мутахассиси халқаро танаффусдан сўнг таркибда жиддий ротация амалга оширишни режалаштирмоқда. Бунга сабаб «кўк-анорранглилар»нинг ҳафтасига иккитадан ўйин ўтказишига тўғри келади.

Доимий ўйин амалиётига эга бўлмаётган Габриэл Жезус, Ҳамза Абделкарим ва Брайан Фариньяс каби футболчиларга кўпроқ ўйин вақти берилиши кутилмоқда.

Шунингдек, жамоа сардори Рафинья Диасга Ла Лиганинг 10 октябрь куни «Хетафе»га қарши бўлиб ўтадиган навбатдаги учрашувида дам берилиши мумкин.

Октябрь ойида «Барселона»ни яна «Галатасарой»га қарши сафар ўйини 13 октябрь куни, «Бетис» билан сафар баҳси 17 октябрь куни, «ПСЖ»га қарши сафар учрашуви 20 октябрь куни ва 25 октябрь куни Мадриднинг «Реал» клубига қарши уйдаги ўйин кутмоқда.