"Liverpul" Angliya kubogining 3-raundida "Barnsli"ni ishonchli hisobda mag‘lub etdi - 4:1. Gollardan birini germaniyalik yarim himoyachi Florian Virs o‘z hisobiga yozib qo‘ydi.

Ma’lum bo‘lishicha, Virs 2001 yildan beri "Liverpul" safida Angliya kubogi o‘yinida gol urgan birinchi nemis hisoblanadi. O‘sha yilning fevral oyida "Manchester Siti"ga qarshi o‘yinda Markus Babbel bunga erishgandi - o‘shanda "qizillar" 4:2 hisobida g‘alaba qozongan edi.

Eslatib o‘tamiz, "Liverpul" Angliya kubogida sakkizta marta g‘alaba qozongan, oxirgi marta bu 2022 yilda - to‘rt yil oldin sodir bo‘lgan.