Qishki transferlar vaqtida "Manchester Siti" vinger Antuan Semenyoni o‘z safiga qo‘shib oldi. Transfer News Live nashrining TEAMtalk’ga tayanib xabar berishicha, "shaharliklar" bosh murabbiyi Xosep Gvardiola mavsumning ikkinchi qismida barcha jabhalarda kurash olib borish uchun jamoaga yana bir yoki ikkita kuchaytirish kerak, deb hisoblamoqda.
Manbaga ko‘ra, "Manchester Siti" "Nottingem Forest"dan Elliot Andersonni o‘rta chiziqqa qo‘shib olmoqchi. "Shaharliklar" allaqachon 23 yoshli futbolchining ehtimoliy transferi bo‘yicha aloqaga chiqqan.
O‘tgan yilning kuzida Elliot Anderson Angliya terma jamoasi safida debyut qilgan edi. Nufuzli Transfermarkt portali mutaxassislari xavbekni 60 million yevroga baholamoqda.













