Қишки трансферлар вақтида "Манчестер Сити" вингер Антуан Семеньони ўз сафига қўшиб олди. Transfer News Live нашрининг TEAMtalk’га таяниб хабар беришича, "шаҳарликлар" бош мураббийи Хосеп Гвардиола мавсумнинг иккинчи қисмида барча жабҳаларда кураш олиб бориш учун жамоага яна бир ёки иккита кучайтириш керак, деб ҳисобламоқда.
Манбага кўра, "Манчестер Сити" "Ноттингем Форест"дан Эллиот Андерсонни ўрта чизиққа қўшиб олмоқчи. "Шаҳарликлар" аллақачон 23 ёшли футболчининг эҳтимолий трансфери бўйича алоқага чиққан.
Ўтган йилнинг кузида Эллиот Андерсон Англия терма жамоаси сафида дебют қилган эди. Нуфузли Transfermarkt портали мутахассислари хавбекни 60 миллион еврога баҳоламоқда.
