"PSJ"ning ispaniyalik yarim himoyachisi Fabian Ruis tez orada klub bilan mehnat shartnomasini uzaytirishi kerak. Bu haqda jurnalist Matteo Moretto xabar bermoqda.
Manbaga ko‘ra, Ruisning fransuz grandi bilan yangi shartnomasi 2029 yilning yarmigacha mo‘ljallangan. Tomonlar faqat ba’zi tafsilotlarni hal qilishlari kerak edi. Xavbekning klubni tark etishi mumkinligi haqidagi mish-mishlarga qaramay, kelishuv allaqachon yakuniy bosqichda.
Fabian Ruis 2022 yilda "PSJ" futbolchisiga aylandi. Joriy mavsumda 29 yoshli yarimhimoyachi barcha musobaqalarda 22ta o‘yinda maydonga tushib, 2ta gol urdi va 3ta golga assistentlik qildi.
Ruisning parijliklar bilan amaldagi shartnomasi 2027 yilning iyunigacha mo‘ljallangan.













