"ПСЖ"нинг испаниялик ярим ҳимоячиси Фабиан Руис тез орада клуб билан меҳнат шартномасини узайтириши керак. Бу ҳақда журналист Маттео Моретто хабар бермоқда.
Манбага кўра, Руиснинг француз гранди билан янги шартномаси 2029 йилнинг ярмигача мўлжалланган. Томонлар фақат баъзи тафсилотларни ҳал қилишлари керак эди. Хавбекнинг клубни тарк этиши мумкинлиги ҳақидаги миш-мишларга қарамай, келишув аллақачон якуний босқичда.
Фабиан Руис 2022 йилда "ПСЖ" футболчисига айланди. Жорий мавсумда 29 ёшли яримҳимоячи барча мусобақаларда 22та ўйинда майдонга тушиб, 2та гол урди ва 3та голга ассистентлик қилди.
Руиснинг парижликлар билан амалдаги шартномаси 2027 йилнинг июнигача мўлжалланган.
