Germaniya futbol ligasi (DFL) noqulay ob-havo sharoiti tufayli Germaniya chempionatining 17-turidan o‘rin olgan "Gamburg" - "Bayer" o‘yinini qoldirdi, deb xabar beradi "Gamburg" klubi matbuot xizmati.
O‘yin seshanba kuni Gamburgdagi "Folksparkshtadion" stadionida bo‘lib o‘tishi va Toshkent vaqti bilan 00:30 da boshlanishi kerak edi. O‘yinni boshqa muddatga ko‘chirishga qaror qilinganining sababi, arena tomida qor qoplami ostida havoning keskin isib ketishi natijasida ba’zi joylarda erigan qor suvlari to‘planib qolgan. Bu yuk ko‘taruvchi konstruksiyalarga sezilarli yuklamani keltirib chiqardi, bu esa tomoshabinlar xavfsizligiga xavf tug‘diradi.
"Bayer" 16 turda 29 ochko jamg‘arib, Bundesligada to‘rtinchi o‘rinda bormoqda. "Gamburg" esa 16 ochko bilan 13-pog‘onadan joy olgan.
