Германия футбол лигаси (DFL) ноқулай об-ҳаво шароити туфайли Германия чемпионатининг 17-туридан ўрин олган "Гамбург" - "Байер" ўйинини қолдирди, деб хабар беради "Гамбург" клуби матбуот хизмати.
Ўйин сешанба куни Гамбургдаги "Фолькспаркштадион" стадионида бўлиб ўтиши ва Тошкент вақти билан 00:30 да бошланиши керак эди. Ўйинни бошқа муддатга кўчиришга қарор қилинганининг сабаби, арена томида қор қоплами остида ҳавонинг кескин исиб кетиши натижасида баъзи жойларда эриган қор сувлари тўпланиб қолган. Бу юк кўтарувчи конструкцияларга сезиларли юкламани келтириб чиқарди, бу эса томошабинлар хавфсизлигига хавф туғдиради.
"Байер" 16 турда 29 очко жамғариб, Бундеслигада тўртинчи ўринда бормоқда. "Гамбург" эса 16 очко билан 13-поғонадан жой олган.
