Yevropa futbol assosiasiyalari ittifoqi (UYEFA) va Angliya, Shotlandiya, Uels va Shimoliy Irlandiya futbol federasiyalari ofsayd qoidasini o‘zgartirish g‘oyasini ma’qullamaydi, deb yozadi The Times.
Avvalroq Xalqaro futbol assosiasiyalari kengashi 20 yanvar kuni Londonda bo‘lib o‘tadigan yig‘ilishda o‘yindan tashqari holatni aniqlash qoidalarini o‘zgartirish masalasini ko‘rib chiqmoqchi ekani haqida xabar berilgandi. Ushbu g‘oya tashabbuskori "Arsenal"ning sobiq bosh murabbiyi, FIFAning futbolni global rivojlantirish bo‘limi rahbari Arsen Venger hisoblanadi. U agar hujumkor jamoa futbolchisi raqibning so‘nggi o‘yinchisidan bir qismi bilan emas, balki butun tanasi bilan oldinda bo‘lsa, ofsayd qayd etilishini yoqlab chiqdi.
Manbaning ta’kidlashicha, UEFA va to‘rtta federasiya qoidaga kiritilishi mumkin bo‘lgan o‘zgarishni juda keskin deb hisoblamoqda, chunki bu jamoalarning chuqurroq himoyalanishiga turtki bo‘ladi. Tashkilotlar murosa sifatida ofsaydni aniqlashda faqat hujumchi tanasining istalgan qismi holatini hisobga olishni, oyoq va bosh holatini e’tiborsiz qoldirishni taklif qilmoqchi.
Biroq qoida 2026 yilgi jahon chempionatidan oldin joriy etilmaydi, chunki u avval sinovdan o‘tkazilishi kerak.
