"Manchester Yunayted" bosh murabbiyligiga Maykl Kerrik tayinlanganiga qaramay, klub uzoq muddatli istiqbol uchun mutaxassis qidirmoqda va Ruben Amorim o‘rniga nomzodlarni ko‘rib chiqmoqda. Daily Mail nashri jurnalistlari tarqatgan xabarga ko‘ra "Marsel" ustozi Roberto De Dzerbi bosh murabbiylikka asosiy da’vogarlardan biri hisoblanadi.
Italiyalik mutaxassis "Brayton" va "Marsel"dagi faoliyati bilan e’tiborga tushgan. De Dzerbi o‘zining taktik universalligi va Yevropaning yetakchi ligalarida ishlash tajribasi bilan tanilgan, bu esa uni "qizil iblislar" uchun jozibador variantga aylantiradi.
Nomzodlar ro‘yxatida De Dzerbidan tashqari Premyer-liga va terma jamoalarda ishlagan murabbiylar ham bor. Ular orasida Oliver Glasner, Marku Silva, Andoni Iraola, shuningdek, Tomas Tuxel, Maurisio Pochettino va Karlo Anchelotti kabi taniqli nomlar bor.
