"Манчестер Юнайтед" бош мураббийлигига Майкл Кэррик тайинланганига қарамай, клуб узоқ муддатли истиқбол учун мутахассис қидирмоқда ва Рубен Аморим ўрнига номзодларни кўриб чиқмоқда. Daily Mail нашри журналистлари тарқатган хабарга кўра "Марсель" устози Роберто Де Дзерби бош мураббийликка асосий даъвогарлардан бири ҳисобланади.
Италиялик мутахассис "Брайтон" ва "Марсел"даги фаолияти билан эътиборга тушган. Де Дзерби ўзининг тактик универсаллиги ва Европанинг етакчи лигаларида ишлаш тажрибаси билан танилган, бу эса уни "қизил иблислар" учун жозибадор вариантга айлантиради.
Номзодлар рўйхатида Де Дзербидан ташқари Премьер-лига ва терма жамоаларда ишлаган мураббийлар ҳам бор. Улар орасида Оливер Гласнер, Марку Силва, Андони Ираола, шунингдек, Томас Тухель, Маурисио Почеттино ва Карло Анчелотти каби таниқли номлар бор.
