"Arsenal" bosh murabbiyi Mikel Arteta hujumchi Kay Xaversning uzoq muddatli jarohatidan so‘ng safga qaytganini yuqori baholadi.

Xavers Angliya kubogining 3-raundida "Portsmut"ga qarshi o‘yinda (4:1) zaxiradan maydonga tushdi.

"Albatta, biz uni juda sog‘indik. Bir yil - futboldagi uzoq muddat, lekin o‘zingiz aytganingizdek, u ajoyib formada qaytdi, o‘ziga juda ishonadi. U shunday aqlli futbolchiki, darhol boshqa futbolchilar bilan til topishib ketadi va uni qanchalik yaxshi ko‘rishlari ko‘rinib turibdi, chunki u har safar jarima maydoniga kirganida yoki uning yonida bo‘lganida, zaxira o‘rindig‘idagi barcha xursandchilikdan sakrab ketardi. Shunday ekan, ha, u bizda borligidan juda xursandmiz, u bizga katta yordam beradi va endi uni yaxshi formada ushlab turishimiz kerak," - deya Artetaning so‘zlarini keltiradi "Arsenal" rasmiy sayti.