"Арсенал" бош мураббийи Микель Артета ҳужумчи Кай Хаверцнинг узоқ муддатли жароҳатидан сўнг сафга қайтганини юқори баҳолади.

Хаверц Англия кубогининг 3-раундида "Портсмут"га қарши ўйинда (4:1) захирадан майдонга тушди.

"Албатта, биз уни жуда соғиндик. Бир йил - футболдаги узоқ муддат, лекин ўзингиз айтганингиздек, у ажойиб формада қайтди, ўзига жуда ишонади. У шундай ақлли футболчики, дарҳол бошқа футболчилар билан тил топишиб кетади ва уни қанчалик яхши кўришлари кўриниб турибди, чунки у ҳар сафар жарима майдонига кирганида ёки унинг ёнида бўлганида, захира ўриндиғидаги барча хурсандчиликдан сакраб кетарди. Шундай экан, ҳа, у бизда борлигидан жуда хурсандмиз, у бизга катта ёрдам беради ва энди уни яхши формада ушлаб туришимиз керак," - дея Артетанинг сўзларини келтиради "Арсенал" расмий сайти.