Qishki transfer oynasida hujumchi Endrik o‘yin amaliyotiga ega bo‘lish uchun "Real"dan "Lion"ga ijaraga o‘tdi.
Braziliyalik futbolchi "to‘quvchilar" safida nechta gol urmoqchi ekani haqidagi savolga javob berdi.
"Men o‘yinlarda g‘alaba qozonishni kutyapman - bu eng muhimi. Men gollar evaziga g‘alaba qozonishga yordam berishga harakat qilaman, ammo boshqa futbolchilar ham gol urishi mumkin. "Lion"ga gollarni sanash uchun kelganim yo‘q. "Lion" bilan sovrin yutish uchun kelganman. Gol urish uchun ishlayman, lekin ba’zida to‘pni sherikka uzatgan ma’qul", - deya Endrikning so‘zlarini keltiradi Marca.
O‘tgan dam olish kunlari Endrik "Lion" safida ilk bor Fransiya kubogida "Lill" darvozasini ishg‘ol qildi.
