Қишки трансфер ойнасида ҳужумчи Эндрик ўйин амалиётига эга бўлиш учун "Реал"дан "Лион"га ижарага ўтди.
Бразилиялик футболчи "тўқувчилар" сафида нечта гол урмоқчи экани ҳақидаги саволга жавоб берди.
"Мен ўйинларда ғалаба қозонишни кутяпман - бу энг муҳими. Мен голлар эвазига ғалаба қозонишга ёрдам беришга ҳаракат қиламан, аммо бошқа футболчилар ҳам гол уриши мумкин. "Лион"га голларни санаш учун келганим йўқ. "Лион" билан соврин ютиш учун келганман. Гол уриш учун ишлайман, лекин баъзида тўпни шерикка узатган маъқул", - дея Эндрикнинг сўзларини келтиради Marca.
Ўтган дам олиш кунлари Эндрик "Лион" сафида илк бор Франция кубогида "Лилль" дарвозасини ишғол қилди.
