"Bayer" hujumchisi Kristian Kofane "Real" qiziqishlari doirasiga tushib qoldi.

Jurnalist Patrik Bergerning yozishicha, madridliklar 19 yoshli kamerunlik futbolchini o‘z safiga qo‘shib olishga jiddiy qiziqish bildirmoqda. Potensial transfer qiymati 50 million yevrodan oshishi mumkin, chunki "dorishunoslar" o‘z futbolchisini arzonroqqa sotishga rozi bo‘lmaydi.

Kristian Kofane 2025 yilda besh million yevro evaziga "Albasete"dan "Bayer"ga o‘tgandi. Uning nemis klubi bilan shartnomasi 2029 yilning 30 iyuniga qadar imzolangan. Joriy mavsumda yosh hujumchi barcha musobaqalarda 23 ta o‘yinda maydonga tushib, beshta gol urdi va beshta golli uzatmani amalga oshirdi.