"Arsenal" bosh murabbiyi Mikel Arteta matbuot anjumanida jamoasining hozirgi formasi haqida fikr bildirdi.

"Biz juda yaxshi harakat qilyapmiz. Ishonch o‘yin sifati va bu mavsumda ko‘rsatgan darajamizdan kelib chiqadi. "Stemford Brij"da qilgan ishlarimiz bizda kerakli imkoniyatlar borligiga bizni ishontirishi kerak. Ammo haqiqat shundayki, buni har bir o‘yinda tasdiqlash kerak. To‘rtta turnirda ham kurashni davom ettirayotganimizdan juda xursandmiz," - dedi Arteta jurnalistlarga.

Hafta davomida "Arsenal" Liga kubogi yarim finali "Chelsi"ga qarshi dastlabki o‘yinda safarda 3:2 hisobida g‘alaba qozondi.

"Kanonirlar" Premyer-ligada eng yaqin ta’qibchilarini 6 ochkoga ortda qoldirgan holda peshqadamlik qilmoqda.