"Арсенал" бош мураббийи Микель Артета матбуот анжуманида жамоасининг ҳозирги формаси ҳақида фикр билдирди.
"Биз жуда яхши ҳаракат қиляпмиз. Ишонч ўйин сифати ва бу мавсумда кўрсатган даражамиздан келиб чиқади. "Стэмфорд Бриж"да қилган ишларимиз бизда керакли имкониятлар борлигига бизни ишонтириши керак. Аммо ҳақиқат шундайки, буни ҳар бир ўйинда тасдиқлаш керак. Тўртта турнирда ҳам курашни давом эттираётганимиздан жуда хурсандмиз," - деди Артета журналистларга.
Ҳафта давомида "Арсенал" Лига кубоги ярим финали "Челси"га қарши дастлабки ўйинда сафарда 3:2 ҳисобида ғалаба қозонди.
"Канонирлар" Премьер-лигада энг яқин таъқибчиларини 6 очкога ортда қолдирган ҳолда пешқадамлик қилмоқда.
