"Napoli" "Vulverxempton" yarim himoyachisi Joao Gomes bilan maosh va shartnoma muddati borasida kelishib oldi. Biroq, Italiya chempioni hozircha "bo‘rilar" bilan 24 yoshli futbolchining transferi bo‘yicha kelishuvga erisha olmadi. Bu haqda Caught Offside xabar bermoqda.

Manbaga ko‘ra, "Manchester Yunayted" braziliyalik futbolchini yozdan buyon kuzatib kelmoqda. Mankunianliklar Gomesni 33 yoshli Kazemiro klubni tark etganidan keyin yarim himoya chizig‘iga ishonch olib kiradigan futbolchi sifatida ko‘rmoqda.

Joriy mavsumda "bo‘rilar" yarim himoyachisi barcha musobaqalarda 24 ta o‘yinda maydonga tushib, 1 ta golli uzatma muallifi bo‘ldi. Futbolchining klub bilan amaldagi mehnat shartnomasi 2030 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 40 mln yevroni tashkil etadi.